Ош шаарында жаңы спорт комплексинин курулушу башталды

Оштун Жапалак айылында жаңы спорт комплексинин курулушу башталганын Курулуш министрлиги билдирди.

Маалыматка ылайык, долбоор Турак жай-жарандык курулуш департаменти тарабынан ишке ашырылып, республикалык бюджеттен каржыланууда. Объекттин наркы 82 млн сомду түзөт.

Башкы план боюнча эки кабаттуу «А», «Б» блоктон турган спорт комплекс курулат. Анда заманбап талаптарга жооп берген тренердин кабинети, спорт, күрөш жана кошумча машыгуу залдары каралат.

Объекттин курулуш-монтаждоо иштери «Байсал Курулуш» ЖЧКсы тарабынан жүргүзүлүүдө.