Ички иштер министрлигинин Жол кыймылынын коопсуздугун камсыздоо башкы башкармалыгынын маалыматы боюнча, бир жуманын ичинде Кыргызстанда 23 миңден ашык жол эрежесин бузуу катталган.
Алдын ала маалыматтар боюнча, инспекторлор 3-ноябрдан 9-ноябрга чейин 23 654 эреже бузууну аныкташкан.
Анын ичинен:
- Тиешелүү документтери жок унаа башкаруу — 1 878;
- Мас абалында унаа башкаруу — 309;
- Авто унаанын терезелерин мыйзамсыз караңгылатуу — 138;
- Жөө жүргүнчүлөр катышкан жол эреже бузуулар — 762;
- Транспорт каражаттарынын эксплуатациялоо эрежелерин бузуу — 3 256;
- Авто ээнбаштык −24;
- Белгиленген ылдамдыктан ашуу- 3 387;
- Жалган мамлекеттик номери менен унаа башкаруу — 5;
- Башка жол эрежелерин бузуу фактылары —10 694;
- Ар кандай жол эрежелерин бузгандыгы үчүн 3 201 авто унаа убактылуу токтотуучу айып короо жайына токтотулган.
ИИМдин Жол кыймылынын коопсуздугун камсыздоо башкы башкармалыгы айдоочулардан жол кыймылынын коопсуздугунун эрежелерин так сактоого чакырат.
