Кыргызстандын Баткен облусунда жер титирөө болгонун Улуттук илимдер академиясынын Сейсмология институту билдирди.
Институттун маалыматы боюнча, жер титирөө кечээ, 21-сентябрда саат 23:41де катталган. Жер титирөөнүн очогу Кыргызстандын аймагында, Баткен шаарынан 5 чакырым батышта, Базар-Башы айылынан 5 чакырым түштүк-батышты карай, Кызыл-Жол айылынан 5 чакырым түндүк-батышты карай жайгашкан.
Жер титирөөнүн күчү Баткен, Базар-Башы жана Кызыл-Жолдо Рихтер шкаласы боюнча 3 баллга жакын болду.
