Социалдык тармактарда Нарын районундагы көпүрө кулап жатканда жүк ташуучу унаа дарыяга кулап түшкөн учур тартылган видео пайда болду.
Эске салсак, 13-августта Нарын районундагы Эки-Нарын айылын облус борбору менен байланыштырган көпүрө кулап кеткен. Унаанын айдоочусу 1984-жылы туулган жаран кырсыктан кийин дайынсыз болуп, 2 күндөн кийин сөөгү табылган.
Көпүрө 1958-жылы курулуп, кооптуу деп табылган. Тургундар жана блогерлер анын абалы тууралуу бир нече жолу эскертип келишкен. Транспорт министрлиги жаңы көпүрөнү 21 күндүн ичинде куруп берүүнү убадалады.
