Мурдагы көмүр падышасы Нурлан Мотуев укук коргоо кызматкерлерине карата сөгүнүп, уят сөздөрдү айтканы үчүн 5 суткага камакка алынды. Бул тууралуу 24-kg.com агентигине борбор калаанын Свердлов райондук ички иштер бөлүмүнүн басма сөз кызматы билдирди.
Фото Интернеттен алынды. Нурлан Мотуев РИИБдин кызматкерлерин сөгүп, ошол себептен 5 суткага камакка алынды
Нурлан Мотуев мурунку түнү профилактикалык сүйлөшүү үчүн РИИБге алынып келинип, ал тартип сакчыларын сөгүп баштаган. Ага карата КРнын Кылмыш-жаза кодексинин «Майда бейбаштык» беренеси боюнча протокол түзүлдү.
Бүгүн, 9-июлда Свердлов райондук сотунун чечими менен Нурлан Мотуев 5 суткага камакка алынды.
