Бүгүн, 9-июлда № 3 кичирайондун No1, 2, 3, 3/2 турак үйлөрүндө ысык суу убактылуу өчүрүлдү. Бул тууралуу Бишкек шаардык мэриясынын басма сөз кызматы билдирди.
Сууну өчүрүү № 1 турак жайдын түндүк тарабындагы жылуулук тармагындагы үзгүлтүккө байланыштуу болуп жатат.
Учурда оңдоо жана калыбына келтирүү иштери жүрүп жатат. Саат 17:00гө чейин ысык суу берүү калыбына келтирилет.
«Бишкектеплосеть» ишканасы учурдагы кырдаалга түшүнүү менен мамиле кылууну өтүнөт.
