Бишкекте Карагачев бакчасындагы Комсомол көлү ачылды. Бул тууралуу муниципалитеттин басма сөз кызматы билдирди.
Оңдоп-түзөөдөн өткөн аймак эми ысыкта салкындап, сыртта эс алууну каалагандардын баарына жеткиликтүү болду. Эс алуучулардын коопсуздугу үчүн куткаруучулар нөөмөттө турушат.
,
Сүрөт мэриянын басма сөз кызматы
Көл 10:00дөн 19:00гө чейин сууга түшүүгө ачык.
Комсомол көлүндө сүзүү үчүн бир нече эрежелер:
Балдар чоңдордун жана ата-энелердин көзөмөлүндө гана сууга түшүшү керек;
Белгиленген сызыктан ары сүзбөңүз;
Мас абалында сүзүүгө болбойт;
Баланы суунун жанында кароосуз калтырбаңыз;
Кайыктардын жанында сүзүүгө жана моторлуу кайыкты кууп чыгууга тыюу салынат;
Сак болуңуз, булуттуу же шамалдуу убакта сууга түшпөңүз.
Бишкек шаар жетекчилиги сууга түшүүдө коопсуздук эрежелерин сактоону суранат.
