Кыргызстандын Өзгөчө кырдаалдар министрлигинин аскер кызматкерлеринин маянасын этап менен жогорулатуу каралууда. Бул тууралуу брифингде өзгөчө кырдаалдар министринин орун басары Урматбек Шамырканов билдирди.
«Президенттин жарлыгына ылайык, 1-июлдан тарта офицердик курамдын эмгек акысы 25 пайызга көтөрүлөт. Октябрдан тарта ӨКМдин башка аскер кызматкерлеринин жана кенже кызматтык курамдын эмгек акысын жогорулатуу пландалууда», — деди ал.
Министрдин орун басарынын айтымында, башкармалыктын түзүмүндө кадрлардын жетишсиздиги бар — куткаруучу бөлүмдөрдө 1 миң штаттык бирдиктен ашат.
