ТИМ кыргызстандыктарды кайрадан Иран менен Израилден чыгып кетүүгө чакырды

Жакынкы Чыгыштагы туруксуз кырдаалга байланыштуу Кыргызстандын Тышкы иштер министрлиги дагы бир жолу өз мекендештерине Иран Ислам Республикасына жана Израил мамлекетине баруудан убактылуу баш тартууну, ошондой эле кырдаал жөнгө салынганга чейин бул өлкөлөрдөн чыгып кетүүгө дагы бир жолу чакырды.

Анда жарандарды аба каттамдарына кирген чектөөлөрдү эске алуу жана чет өлкөдөгү мекемелердин, авиакомпаниялардын билдирүүлөрүнөн кабардар болуп туруу сунушталган.

Зарыл учурда Кыргызстандын ошол аймактагы дипломатиялык мекемелерине кайрылуу керектиги жазылган.

Катардагы элчилик: +974 5066 7001;

Кувейттеги элчилик: +965 5170 2180;

Ирандагы элчилик: +98 935 250 5226;

Бириккен Араб Эмирликтериндеги элчилик: +971 2558 4955;

Дубай шаарындагы Башкы консулдук: +971 58 881 3567;

Сауд Арабиясындагы элчилик: +966 58 376 99454;

Түркиядагы элчилик: +90 545 689 6800.