Казакстан менен Кыргызстан чегирткеге каршы биргелешип күрөшүүнү макулдашты. Бул тууралуу Казакстандын айыл чарба министринин орун басары Ермек Кенжеханулы билдирди.
«Биз кыргыз тарап менен чек ара тилкелеринде биргелешкен изилдөө иштерин баштадык. Чегирткелердин зыянкечтеринин негизги очогу Кыргызстандын түштүк аймактарында топтолгон. Бирок учурда курт-кумурскалардын Казакстан тарапка көчүп кетүү коркунучу катталган жок», — деди ал.
Буга чейин Өзбекстан менен чектеш аймактарда ушундай изилдөө жүргүзүлүп, марокколук жана башка түрдөгү чегирткелердин кластерлери табылган эмес.
Орусия менен чектеш аймактарда да изилдөө иштери жүрүп жатат.
Буга чейин Кыргызстандын Айыл чарба министрлиги республиканын аймагына чегиртке кирип кетүү коркунучу жок экенин билдирген. Кыргызстан менен Өзбекстандын өсүмдүктөрдү коргоо боюнча адистери чек арага жакын аймактарда чегиртке каптаганын аныктоо жана ага каршы күрөшүү максатында биргелешкен изилдөө жана мониторинг жүргүзүштү.
