Өзгөчө кырдаалдар министрлигинин басма сөз кызматы Нарын облусунун Ат-Башы районундагы Арпа жана Ак-Сай өрөөндөрүндө 1-июнь күнү жааган калың кардан кийинки абал боюнча маалымат таратты.
Маалыматка ылайык, абал туруктуу. Куткаруучулар жайлоого чөп жөнөштү.
Аба ырайынын начарлашынан улам Арпада кардын калыңдыгы 20-25 см болсо, Кында ашуусунда, Ак-Сайда 15 сантиметр жааган. ӨКМ бул жактагы чабандар менен байланыш бар экенин билдирди.
Тоютсуз калган малга ээлери жем-чөп жеткирип, Казыбек жана Кара-Суу айыл өкмөттөрү техникадан жана күйүүчү майдан жардам берип жатканы айтылды. Жайлоого эрте чыгып кеткен айрым чабандар аба ырайынан улам кайра ылдый түшкөн.
