Кара-Балта шаарынын тургундары жылуулукка тарифти 30 пайызга көтөрбөөнү суранышууда. Бул тууралуу Жогорку Кеңештин жыйынында вице-спикери Нурланбек Азыгалиев билдирди.
Ал белгилегендей, буга чейин парламентарийлер бул маселе боюнча президентке, министрлер кабинетинин жетекчилерине, Энергетика министрлигине кайрылышкан, бирок алгылыктуу чечим кабыл алына элек.
«Энергетика министрлиги 80 чарчы метр үйдө жашагандардын баарын бай деп эсептесе керек. Бирок Ош менен Бишкекти гана негизги критерий катары ала албасыңызды унутпаңыз. Кара-Балта, Токмак, Таш-Көмүр сыяктуу шаарлар бар. Ал эми ал жерде жашаган жарандар ЖЭБден жылуулук алышат. Ал эми 80 чарчы метрлик үйдө жашагандар эки, үч батирлүү үйлөр. Мурда 5 миң сом төлөшсө, азыр 25 миң төлөп жатышат, 1-июндан тарта 30 пайызга көтөрөбүз деп жатышат, жыл сайын 10 пайызга гана көтөрүүнү суранам», — дейт Нурланбек Азыгалиев.
