Бишкек менен Чүйдө катуу шамал болушу мүмкүн. Бул тууралуу Өзгөчө кырдаалдар министрлиги шамалга байланыштуу шашылыш билдирүү таратты.
Ага ылайык, жакынкы үч саат аралыгында жана күндүз Бишкек шаарында жана Чүй өрөөнүндө күн күркүрөп, батыштан соккон ылдамдыгы секундасына 17-22 метрге жеткен катуу шамал катталышы күтүлөт.
ӨКМ жарандарды шамал учурунда коопсуз жайларда болууну жана кандайдыр бир өзгөчө кырдаал катталса токтоосуз 112 кызматына билдирүүнү өтүнөт.
