Жалал-Абад шаарынын мэри Эрнисбек Ормоков «Жеңиш» эс алуу багын тиешелүү жетекчилер менен биргеликте кыдырып, аталган парктагы ижарачылар менен жеринде жыйын өткөрдү. Бул тууралуу муниципалитеттен билдирди.
Калаа башчысы аталган парктагы аттракциондор 1980-1990-жылдары чыгарылгандыгын айтып, дээрлик баары талапка жооп бербей тургандыгын, коопсуздук эрежелери сакталбагандыгын белгилеп, бул боюнча тиешелүү мекемелердин чечими да бар экендигин кошумчалады.
Белгилей кетсек, аталган парктагы ижарачыларга башка парктарда заманбап, жаңы аттракциондорду орнотууга уруксат берилет. Ал эми «Жеңиш» паркы Мамлекеттик жеке өнөктөштүк менен ишкерлер тарабынан 2,5 млн долларга толугу менен жаңыланып, ушул жылы эгемендүүлүк майрамында кайрадан пайдаланууга берилет.
