«Бишкек» эркин экономикалык аймагында өрт чыкты. Бул жөнүндө 24-kg.com агенттигине окуянын күбөлөрү билдирди.
Алардын айтымында, экономикалык аймактын кызматкерлери жашаган «барак» тибиндеги үй өрттөнүп кетти. Сегиз үй-бүлө үй-жайсыз калды.
«Баары күйүп кетти: акча, документтер, буюмдар, кийим-кечелер. Сегиз өрт өчүрүүчү машине тартылды. «Манас» аэропортунун кызматкерлери, ӨКМ жана «Бишкек» эркин экономикалык аймагынын эки өрт өчүрүүчү унаасы келди», — деп белгилешти жарандар.
