Бишкекте «Вок лагман» тез тамактануучу жайында жапырт уулануу болду. Бул жөнүндө 24-kg.com агенттигине Оорулардын алдын алуу жана мамлекеттик санитардык-эпидемиологиялык көзөмөл департаментинен билдиришти.
Маалыматка ылайык, натыйжада беш адам жабыркады.
«Уулануунун алгачкы белгилери саат 2.00дө 4-декабрда байкалган. Жабыркагандар медициналык тез жардам алышты. Тамактан уулануу лабораториялык изилдөөлөрдүн жыйынтыгы менен тастыкталды», — деп белгилешти департаменттен.
«Иликтөөнүн жыйынтыгы боюнча «Вок лагман» фаст-фуд жайында шектүү тамак-аштын калдыктары табылган жок. Уулануунун себебин аныктоо үчүн лабораториялык изилдөөлөр жүргүзүлүүдө», — деп кошумчалады мекеме.
Мамсанэпидкөзөмөл борбору жабыркагандар Киев көчөсү, 95 дареги боюнча тез тамактануучу жайдан лагман сатып жешкенин белгиледи.
