Кыргызстанга кайтып келген мурдакы элчи Кылычбек Султан курултайга катышат. Бул тууралуу 24-kg.com агенттигине билдирди.
Анын айтымында, курултайда өлкөдөгү саясый кырдаал талкууланып, ачуу чындык айтылышы күтүлөт.
«Жогорку Кеңеш саясый маселелерди көтөрбөй калды. Андыктан патриот активисттер курултай аркылуу коомдогу маселелерди бийликке жеткирүүгө аргасыз», — дейт ал.
Буга чейин чет өлкөдөн башпаанек сурагандыгын жарыялаган Кылычбек Султан кечээ мекенине кайтып келди. Ал президент менен жолугуу ниетинен кайткан эмес.
Эскерте кетсек, курултай 24-ноябрда Бишкек шаарында Т. Абдымомуновдун атынданы Улуттук кыргыз драмм театрында өтөт.
